Það er ekki á hverjum degi sem maður upplifir það að ríða í úrslitum á Íslandsmóti, hvað þá í tveimur úrslitum. Það varð hinsvegar raunin um síðustu helgi þegar Ísólfur náði þeim frábæra árangri að komast í A-úrslit í fjórgangi á Kristófer frá Hjaltastaðahvammi og B-úrslit í tölti á Freyði frá Leysingjastöðum II.  Freyðir var auk þess næsti hestur inn í B-úrslit í fjórgangi og því má segja að Ísólfur hafi riðið sjálfan sig út úr úrslitum með frábærum árangri á Kristófer.